Sesampune ngejuk penadah pratima Roberto gamba saking Italia rahina dibi jajaran polres Badung mewali nureksain paumahan i gusti agung oka ariadi ring banjar bakisan desa denbatas Tabanan. Saking panliktikan inucap polisi ngantenang sekatah pratima merupa keris batu permata jinah bolong lan piranti anggen upekara. Sesampune presida ngejuk penadah pratima Roberto gamba warga saking panegara Italia jajaran kepolisian resort Badung rahina dibi mewali nliktikin paumahan druwen i gusti agung oka ariadi ring banjar bakisan desa denbantas Tabanan. Parindikan puniki kemargiang olih jajaran reskrim polres Badung. Antuk punika polisi presida ngantenang sekatah bokor keris batu permata jinah bolong lan piranti upekara saking sinalih tunggil kamar irika. Gusti agung oka ariadi kekantenang nyimpen makesami barang-barang inucap ring paumahannyane. Manut kelihan adat banjar bakisan Tabanan igusti agung komang winurjaya ngangken ngawit saking istrinyane seda gusti agung oka ariadi sane nuenang kekalih pianak puniki sampun nenten aktif dados anggota banjar lan setate nenten wenten ring paumahannyane. Saking panureksan inucap sane mangkin jajaran kepolisian sektor Badung ngelantur nureksain lan nliktikin indik kekantenang nyane barang-barang sakral ring paumahan gusti agung oka ariadi inucap. Suar Eka Buana dewata tv
Tidak ada komentar:
Posting Komentar